Талас облустук сотунун чечими менен коррупцияга шектелип кармалган Талас мамлекеттик университетинин ректору бир айга камалды.
Маалыматка ылайык, У.А.Ш. баш коргоо чарасы каралып, ушул жылдын 27-сентябрына чейин камакка алынды.
Эске салсак, козголгон кылмыш ишинин алкагында, университетин ректору У.А.Ш. жана башкы эсепчиси К.Г.Ж. 2021-2022-жылдар аралыгында жогорку окуу жайдын кызматкерлерине жети миң сомдон акчалай сыйлыкты анын алты миңин кайра кайтаруу шарты менен ыйгарып турганы аныкталган. Мындан сырткары аталган адамдар жеке ишкерлер менен жең ичинен сүйлөшүп алып, университеттин окуу корпусун оңдоо үчүн курулуш материалдарын сатып алууга тендер өткөрүп, андан кийин акча каражаттарынын бир бөлүгүн өздөрүнө чегерип алышкан
Ошондой эле ректор жооптуу катчысы Т.Т. менен макулдашып , мамлекеттик жана университетке кирүү экзамендерин тапшыруу учурунда студенттерден жана абитуриенттерден акча чогултуу менен алектенген.
