12-мартта чек араны мыйзамсыз кесип өткөндүгү үчүн Казакстандын 2 жараны кармалган. Бул тууралуу УКМКнын басма сөз кызматы маалымдайт.
Алар Талас облусунун чек арага жакын айылдарынын бири аркылуу киришкен.
«Бул фактыдагы материалдар КР Кылмыш-жаза кодексинин 358-беренси (Мамлекеттик чек арадан мыйзамсыз кесип өтүү) боюнча кылмыштардын жана жоруктардын бирдиктүү реестрине сотко чейинки өндүрүш ишине катталды»-деп жазылган.
Кармалган адамдар Талас областынын ИИБ убактылуу кармоочу жайына киргизилген.
Тергөө иштери жүрүп жатат.