Таласта турак үйдө курал, ок дарыларды сактап жүргөн жаран аныкталды. Бул тууралуу Талас ОИИБинин маалымат кызматы билдирди.
Маалыматка ылайык, шектүүнүн үйүнө тинтүү жүргүзүлүп мал сарайынан 1 даана ИЖ-18Е”үлгүсүндөгү 12 калибрлүү мылтык, 1 даана 16 калибрлүү мылтык, 1даана кесилип атайын даярдалган кесилген мылтык (обрез), гильза жана бычак алынган.
Кылмыштардын жана жоруктардын бирдиктүү реестрине 253-беренесинин 2-бөлүмүндө каралган кылмыштын белгилери менен сотко чейинки өндүрүш иши ачылган.
Сотко чейинки өндүрүш ишинин алкагында Талас шаарынын 1993-жылы туулган К. уулу Ж. аттуу тургуну кармалды.
Алынган курал-жарактар боюнча соттук-баллистикалык экспертиза дайындалып, тергөө амалдары жүрүп жатат.
