Таш-Көмүрдө жаран ок атуучу куралын огу менен сатып жаткан жеринен кармалды. Бул тууралуу ИИМдин басма сөз кызматын билдирди.
Маалыматка ылайык, аталган факт куралды, ок-дарыларды мыйзамсыз жүгүртүү фактысы менен катталган.
«2021-жылдын 18-январында Таш-Көмүр шаарынын тургуну 1994-жылы туулган М.Н. аттуу атуул ок атуучу сайлуу куралын жана беш даана 7,62 калибрлүү окторун сатууга аракеттенип жаткан учурда кармалды. Учурда соттук -баллистикалык экспертиза дайындалып, сотко чейинки өндүрүш иши уланууда», — деп берилет маалыматта.
