Жогорку Кеңештин жыйынында УКМКнын төрагасы Камчыбек Ташиев «Женго» каймана аттуу кримтөбөлдү Оштон алдыртып жатканын айтты.
«Мен трибунадан айтып коёюн. Мына бүгүн «Женгону» Оштон алдыртып жатам. Ал эл алдында мыйзамдагы ууру макамынан баш тарткан. Бирок ал экранга айтып коюп эле, ишин мурдагыдай улантып жатат. СИЗОдо отуруп алып бизнесмендерди, кылмышкерлерди башкарып турган. Мен аны улантпай тургандай, эч качан кылмыштуу топтордун лидери болбогудай кылам», — деди УКМКнын төрагасы.
Ташиев өлкөдө уюшкан кылмыштуу топ болбойт деген убадасына бек турарын эскертти.
