Бүгүн, 21-сентябрда, “ Тазалык” муниципалдык кызматынын директору Рыспек Сарпашев ээлеген кызматынан бошотулду. Бул тууралуу маалыматты мэриянын басма сөз кызматынан билдиришти.
Маалыматка ылайык, ал кызматтан кетүү тууралуу өз каалоосу менен арыз жазган.
«Рыспек Сарпашев жазган арызынын негизинде 21-сентябрдан тарта “ Тазалык” ишканасынын директорлугунан бошотулду. Директордун убактылуу милдетин аткаруу, директордун орун басары Айдар Дыйканбаевге жүктөлөт”, — деп жазылат маалыматта.
Белгилей кетсек, Сарпашев бул кызматка 2019-жылдын октябрь айында дайындалган.
