Буга чейин телефондун айынан окуучу кыз мектептин 2-кабатынан секирген окуя тууралуу Жалал-Абад ОИИБден маалымат беришкен.
Окуучу кыздын сол буту сынып, Жалал-Абад облустук ооруканасына жаткырылган.
«Турмуш» басылмасы окуя №14 Сатыбалды Давлетов атындагы мектеп-лицейинде 10-октябрь күнү саат 18:00 чамасында болгонун жазып чыкты.
«Кыздардын колундагы телефонун байкап калып, алып койгом. Кыздар кечигип киргени үчүн аларга катуу да сүйлөгөн эмесмин. Сабак жазышып, жакшы эле отурушкан. Бул окуя сабактын экинчи бөлүгүндө болуп кетти. Мен балдарга теманы түшүндүрүп берип, эми эле бурулайын деп жатканда тездик менен болуп кетти. Кыздын колун эле көрүп калдым. 30 секундга жетпеген убакытта эле чуркап чыктым. Кыз жерде жатыптыр. Ошол жердеги күзөтчү, мугалимдер келди. Ошол жерде отургучта отурдук. Ал учурда кыз эс-учун жоготкон жок. Дароо Тез жардам чакырылды», — деген мугалими Элиза Сатарова.
