ИИМдин баңгизаттарды мыйзамсыз жүгүртүүгө каршы күрөшүү кызматынын начальниги, милициянын полковниги Уланбек Султанов Telegram каналы аркылуу сатылып жаткан баңги каражаттары менен күрөшүү боюнча кандай иштер жүрүп жаткандыгы тууралуу айтып берди. Бул тууралуу ИИМдин басма сөз кызматы билдирет.
«Кыргыз Республикасынын мыйзамдарына ылайык, ар бир аныкталган факты боюнча кылмыш иши козголуп, ыкчам-изилдөө иштери өткөрүлөт жана атайын тергөө кызматтык иш-чаралар жүргүзүлөт.
«Биздин жумуштун өзгөчөлүктөрүнө байланыштуу кээ бир маалыматтарды, жалпы маалымат каражаттарына ачыктоого мүнкүн эмес. Бөгөт коюу боюнча иш-чаралар, соттордун чечими аркылуу жана өз күчүбүз менен иш алып келебиз. Мисалы “Telegram” кызматынын администрация аркылуу бөгөт коюу боюнча сүйлөшүүлөрдү жүргүзөбүз. Мындан тышкары эл аралык тергөө өтүнүчтөрү дайыма жөнөтүлүп турганга байланыштуу, чет өлкөлөрдүн укук коргоо органдары менен болгон карым катнаштык иштер тыгыз жүргүзүлөт»,- деди Уланбек Султанов.