Прокуратура мыйзамсыз менчиктештирилген социалдык объектилерди мамлекетке кайтарып берди. Бул тууралуу Башкы прокуратуранын басма сөз кызматы билдирди.
Маалыматка ылайык, Туура-Суу айылындагы баасы 1 миллион 537 миң 919 сомдук бала бакчынын имараты, ошондой эле Кара-Суу айылындагы баасы 1 миллион 177 миң 145 сомдук бала бакчынын ашканасынын имараты мыйзамсыз менчикке өтүп кеткендиги аныкталган.
«Көрүлгөн чаралар боюнча, сот органдары тарабынан прокуратуранын талаптары канааттандырылып, мыйзамсыз берилген укук берүүчү документтерди жараксыз деп табылды. Прокурордун актыларынын негизинде жогоруда аталган социалдык объектилер Төрт-Күл айыл өкмөтүнүн балансына алынды», — деп берилет маалыматта.
