Тоголок жетим балдарга 500 миң сомдон берилет. Алар үчүн 270 миллион сом банктарга депозитке жөнөтүлөт. Бул тууралуу Министрлер кабинетинин төрагасы Акылбек Жапаров Кыргыз улуттук университетинин студенттерине лекция окуу учурунда билдирди.
Анын айтымында, өлкөдө ата-энеси жок 2000дей бала бар. Баарына «Айыл банктан» эсеп ачылып жатат, алар 18 жашка чыккандан кийин каражатты окууга жана ипотека менен үй алууга колдоно алат.
«Балдар үйүндө тарбияланган балдар, 18ге чыккандан кийин кам көрүлбөй, уурулук, кылмыш же сойкулук менен алектенип кеткен фактылар көп катталган. Мамлекет аларга көңүл бурчу эмес. Экономикабыз оңолуп, мамлекетибиз кубаттуу болуп калды, ушинтип колдоого муктаж коомдун катмарына көңүл бурулуп жатат», — деп кошумчалады Акылбек Жапаров.
