22 миң адам эмдөөдөн өтпөй коюп, тогуз бала кызамыктан көз жумду. Бул тууралуу Саламаттык сактоо министри Алымкадыр Бейшеналиев Жогорку Кеңештин бүгүнкү жыйынында билдирди.
Анын айтымында ата-энелердин эмдөөдөн баш тартышы чоң көйгөй болууда.
«Көптөгөн ата-энелер өзүлөрү да эмдөөдөн өтпөй жатышат. Ошол эле сасык тумоо, коронавирус, кызамык, гепатит боюнча. Азыр биз Муфтият менен да иштеп жатабыз, элге да жеткирип жатабыз. 22 миң адам эмдөөдөн өтпөй коюп, 9 бала кызамыктан каза болду. Ал боюнча да биз иштеп жатабыз»,- деди министр.
Өзү кошумча эмдөөдөн өткөнүн айтып, аны менен катар депутаттарды дагы вакцина алып элге үлгү болууга чакырды.
