Токмокто тоноого шектүү адам кармалды. Бул тууралуу Чүй облусунун Ички иштер башкы башкармалыгынын басма сөз кызматы билдирди.
Белгиленгендей, Токмок ички иштер органдарына 33 жаштагы У.А аттуу жаран арыз менен кайрылып, үстүбүздөгү жылдын 2-декабрында саат 19:00 чамасында батирине кирип, 2007-жылы туулган жашы жете элек кызынан күч колдонуп уюлдук телефонун тартып алган белгисиз адамга чара көрүүнү суранган.
Ыкчам тергөө иш-чараларынын алкагында кылмышка шектүү делип 39 жаштагы И.У. аттуу жаран кармалып, убактылуу кармоочу жайга киргизилген. Учурда сотко чейинки процесстер уланууда.
