Токмокто кафеге уурулукка кирген киши мас болуп уктап калып, милиция ойготкон. Бул тууралуу Чүй ОИИБден кабарлашты.
Окуя 9-мартка караган түнү «Бакыт» кафесинде болгон. Жерине күзөтчүлөр келип, алар кафенин терезеси сындырылганын көрүшкөн.
Аталган жайдын кожоюну болуп ичке киришкенде чачылган кафеде сейф бузулуп, анын ичиндеги зер буюмдар менен акча жок болуп чыккан. Ал эми залда мас болуп жаткан адамды көрүшкөн. Анын жанында уурдалган зер буюмдар менен акча табылган.
Келтирилген чыгымдын суммасы 150 миң сомду түзүп, 41 жаштагы шектүү убактылуу кармоочу жайга киргизилди.
