Чет өлкөлүк туристтин унутуп кеткен сумкасы менен акчасын таап берген Токтогул милициясынын кызматкерлери сыйланды. Бул тууралуу Токтогул райондук мамлекекттик администрациясынын басма сөз кызматы билдирет.
Буга чейин Токтогул райондук милициясы германиялык туристтин май куюучу жайда калтырып кеткен ири суммадагы акчасы бар сумкасын, таап бергендиги тууралуу жазган элек.
Райондук мамлекеттик администрация башчысы-аким Акылбек Тюкебаев Токтогул РИИБнин жогорудагы факт боюнча ак ниеттик менен кызматтык милдеттерин аткарган кызматкерлерин райондук мамлекеттик администрациянын Ардак грамотасы менен сыйлады.
Райондун аймагында коомдук тартипти сактоодо, коопсуздукту камсыз кылууда, кылмыштуулукка каршы күрөшүүдө жана алдын алууда талыкпай эмгектенип, ийгиликтерге жетише берүүлөрүнө тилектеш экенин билдирип, аларга бекем ден соолук каалады.
Чет элдик жаран ири суммадагы акчасы бар баштыгын май куючу жайга унутуп кеткен
