Токтогул суу сактагычындагы суунун көлөмү 12 миллиард 44 миллион кубометрди түзөт. Бул тууралуу «Электр станциялары» ишканасы билдирди.
Маалыматка ылайык, суунун агып келиши секундасына 135 кубометрди түзсө, агып чыккан суунун көлөмү 813 кубометрге жетүүдө.
Былтыр ушул күнү суу сактагычта 15,3 миллиард кубометрге жакын суу болгон.
Белгилей кетсек, премьер-министрдин милдетин аткаруучу Артем Новиков электр жарыгын үнөмдөө жолун иштеп чыгууну тапшырды.
Вице-премьер-министр Равшан Сабиров электр жарыгын керектөө өсүп, көмөк чондордон чыңалуу менен иштеп жаткандыктан жарыкты автоматтык түрдө өчүрүүлөр болуп каларын айткан.
