Аба ырайына байланыштуу бүгүн, 5-январда аба каттамдар кечигип, кармалуу болду. Бул тууралуу эл аралык «Манас» аэропортунан кабарлашты.
Маалыматка ылайык, Бишкек — Ош — Бишкек «Тез жет» авиакомпаниясы жана Ош — Бишкек «Авиа Траффик Компани» аба каттамдары тумандан улам көтөрүлө албай калган.
«Авиакомпаниянын өкүлдөрү жүргүнчүлөр менен иш алып барып жатышат. Түшүнүү менен мамиле кылууну суранабыз. Коопсуздук бардыгынан жогору турат», — деп айтылган маалыматта.
Аба майдандан каттамдар тууралуу маалыматтарды аэропорттордогу сурап-билүү түйүндөрүнөн 0(312) 693109 жана 0(3222) 90101 телефон номерлери менен тактап алууну айтышты.
