Тышкы иштер министрлиги кыргызстандыктарга Пакистанга баруудан баш тартууну сунуштайт. Бул тууралуу ТИМден билдиришти.
Маалыматка ылайык, буга өлкөдө саясий кырдаалдын кескин курчуп кетиши себеп болууда.
Пакистанда жүргөн жарандарга өлкөдөгү кырдаал толук турукташканга чейин коопсуздук чараларын күчөтүү сунушталат.
Тышкы иштер министрлигинин басма сөз кызматы билдиргендей, соңку окуялардын натыйжасында жабыркаган Кыргыз жарандары тууралуу маалымат түшкөн эмес.