Улуттук коопсуздук боюнча мамлекеттик комитети Кыргыз Республикасынын коңшу мамлекеттер менен мамлекеттик чек арасы аркылуу аткезчилик аракеттерди жасагандар кылмыш жоопкерчилигине тартыларын эскертет.
Алсак, 16-ноябрда Лейлек районунун Арка айылындагы кампадан 870 миң сомдон ашык суммадагы кондитердик азыктар түрүндөгү контрабандалык жүктү, чет мамлекеттин мамлекеттик номуру тагылган «Хьюндай Портер» унаасына жүктөөдө, 1992-жылы туулган КРнын жараны кармалган.
Ал эми 21-ноябрда Арка айылындагы Т.Касымбеков көчөсүндөгү тургундун жеке үйлөрдүн биринде «Мерседес-Бенц Спринтер» үлгүсүндөгү чет элдик мамлекеттик номурлуу автоунаа 1 миллион сомдон ашык эл керектөөчү товарлардын аткезчилик жүгү кармалган.
Жогорудагы фактылардын негизинде УКМК тарабынан козголгон кылмыш иштеринин алкагында, иштин бардык жагдайларын жана ага тиешеси бар адамдарды аныктоо боюнча тиешелүү ыкчам-иликтөө иш-чаралары жүргүзүлүүдө.
