УКМК тарабынан кызматтык абалынан кыянаттык менен пайдалануу жана 63 млн. сом өлчөмүндө салык төлөөдөн качуу фактысы боюнча жүргүзүлгөн тергөө иштердин жүрүшүндө, Финансы министрлигине караштуу Мамлекеттик салык кызматынын Панфилов району боюнча текшерүү жана жазалоо бөлүмүнүн мурдагы башчысы кармалды.
Кармалган Т.С.А. салык кызматында иштеп, чарба жүргүзүүчү субъекттердин өкүлдөрү менен коррупциялык бүтүмгө келип, жасалма эсеп-фактураларды колдонуу менен жалган фирмаларды түзүү жолу аркылуу салык төлөөдөн качуу схемасын уюштурган. Кийинчерээк «Чалдовар» көзөмөлдөп өткөрүү пункту аркылуу ЕАЭБге мүчө өлкөлөрдөн Кыргызстандын аймагына товарларды алып киргени аныкталган.
Ал соттун чечими менен Юстиция министрлигинин №21 тергөө абагына киргизилди. Учурда бул ишке тиешеси бар адамдарды аныктоо жана мамлекеттик бюджетке келтирилген зыяндын ордун толтуруу боюнча чаралар көрүлүүдө.
