Жогорку Соттун Төрайымы Гүлбара Калиева суракка келбей жатат. Бул тууралуу УКМКнын маалымат кызматы кабарлады. Маалыматка ылайык, күбө катары суракка чакырылып жатканы тууралуу кагаз Калиеванын колуна 30-декабрда тапшырылган.
УКМКнын төрагасы Камчыбек Ташиев 24-декабрда маалымат каражат өкүлдөрүнө маалымат берип жатып Жогорку сотто «Жергиликтүү сот автоматташтырылган маалыматтык системасын ишке ашыруу боюнча коррупциялык схема аныкталганын билдирген. Ташиев ага төрайым Гүлбара Калиеванын тиешеси бар экенин айтып, эгер Тартип комиссиясы макулдугун берсе, ал камакка алынарын билдирген.
