Премьер-министр Улукбек Марипов Өзбекстан Республикасына эки күндүк жумушчу сапары менен барды. Бул туурасында бүгүн, 25-мартта өкмөттүн маалымат кызматынан кабарлашты.
Жумушчу сапардын алкагында өкмөт башчы Кыргыз өлкөсү менен Өзбекстандын ортосундагы эки тараптуу кызматташтык боюнча биргелешкен өкмөттөр аралык комиссиянын IX кеңешмесине катышат.
Мындан тышкары премьер-министр Өзбекстандын президенти Шавкат Мирзийоев менен жолугушат, ошондой эле Ташкент шаарында жайгашкан бир катар өнөр жай жана инновациялык ишканалардын иши менен таанышат.