Түркиянын Ван облусундагы Улуу-Памир айылында Кыргызстандын Эгемендүүлүгүнүн 35 жылдыгына арналган XII маданий фестиваль өттү.
ТИМден билдиришкендей, иш-чарага Кыргызстандын Түркиядагы элчиси Руслан Казакбаев, Түркиянын бийлик өкүлдөрү, депутаттар, этникалык кыргыздар жана маданият өкүлдөрү катышты.
Катышуучулар кыргыз-түрк элинин тарыхый жана маданий байланышын белгилеп, Улуу-Памирде жашаган кыргыздардын улуттук каада-салтты, эне тилди жана маданий мурастарды сактоодогу ролуна токтолушту.
Фестивалдын алкагында кыргыз чыгармачыл топторунун концерти, улуттук оюндар, кол өнөрчүлүк жана улуттук тамак-аштардын көргөзмөсү уюштурулду.
