Венгрия Республикасынын Президенти Янош Адер Садыр Жапаровду Кыргыз Республикасынын Президенти болуп шайланганына байланыштуу куттуктады. Бул тууралуу маалыматты Жапаровдун шайлоо штабы билдирди.
«Кыргыз Республикасы Венгрия үчүн Борбордук Азия чөлкөмүндөгү маанилүү өнөктөш болуп саналат. Үндөш салттарга жана өз ара тилектештикке негизделген эки тараптуу мамилелердин туруктуу өнүгүп келе жатканы бизди кубандырат. Ошондой эле Түрк кеңеши да биздин кызматташуубузду кеңейтүү үчүн эң сонун мүмкүнчүлүктөрдү сунуштоодо. Алардын ичинен уюмдун Будапешт өкүлчүлүгү маанилүү болуп эсептелет», — деп белгиленет Янош Адердин куттуктоосунда.
