8-декабрда Япониянын түндүгүндөгү Аомори префектурасында магнитудасы 7,5 болгон жер титирөө катталды. Бул тууралуу РИА новости жазды.
РИА Новостинин маалыматына караганда, Япониянын премьер-министри Санаэ Такаити брифингде жер титирөөдөн жабыркагандар тууралуу маалымат берген. Анын айтымында жер титирөөдөн 30 жакын адам жабыркап, бир үй өрттөнүп кеткен.
7,5 баллдык жер титирөө дүйшөмбү күнү Аомори префектурасынын аймагында болгон. Цунами коркунучу жарыяланган. Жер титирөөнүн очогу префектуранын чыгыш жээгинен 50 чакырым тереңдикте жайгашкан. Силкинүүнүн күчү жети баллдык шкала боюнча 6+ деңгээлге жеткен.
