Ысык-Көлдө сууга чөккөн 4 жашар кыз дагы желе табыла элек, издөө иштери уланууда. Бул тууралуу Өзгөчө кырдаалдар министрлигинин басма сөз кызматы билдирди.
«Кечээ күнү, издөө иштерине ӨКМден жалпы 18 куткаруучу тартылган. Ошондой эле Ысык-Көл облусунун айыл өкмөт кызматкерлери, жергиликтүү тургундар куткаруучулар, суучулдар жана башка адистер менен бирге издешкен. Алар көл жээктерин карашып, көл астындагы торлорду алып чыгышып, кайыктар, катерлер менен көлдү кыдырышууда. Бирок издөө саат 18:00дө токтотулуп, натыйжа болгон эмес»,-деп айтылат маалыматта.
Издөө иштери бүгун да улантылууда.
Эскерте кетсек, 18-июль күнү саат 15:00 чамасында Ысык-Көл районундагы Тору-Айгыр жана Чырпыкты айылдарынын ортосунда 2018-жылы туулган Н.А. аттуу төрт жаштагы кыз көлгө чөгүп кеткен.
Издөө иштерине жардам берүүнү каалагандар төмөнкү номерлер аркылуу байланышса болот: 0(705) 60-37-04, 0(555) 99-56-26.
