7-июлда Бишкек шаарынан Чолпон-Атага эс алууга кеткен бойдон дайынсыз болуп жаткан 31 жаштагы Н.К.нын (эркек киши) жансыз денеси табылды. Маалыматты Ысык-Көл ОИИБинин маалымат кызматы тастыктады.
Буга чейин туугандары тарабынан изделип жаткан Н.К. аттуу жарандын жансыз денеси, 19-июль Түп районундагы талаа жактыгы чычырканактын арасынан асылып турган жеринен табылды. Өз өмүрүнө кол салганы же киши колдуу болгону азырынча белгисиз. Кечээ маркумдун сөөгү өзү туулуп-өскөн Михайловка айылында жерге берилди.
«Жансыз дене болжол менен жарым айдай туруп калгандыктан таанууга мүмкүн болгон эмес. Милиция кызматкерлери маркумдун сөөгүн жана баштыгындагы уюлдук телефонун туугандарына өткөрүп беришкен. Денени алгачкы кароодо ур-токмоктун белгилери аныкталган жок», — деп жазылат маалыматта.
