Бүгүн, 11-майда КЭР Сиань шаарында Кыргызстан менен Өзбекстандын Тышкы иштер министрлери жолугушуп, кыргыз-тажик чек арасындагы кырдаалды талкуулашты.
Министрлердин айтымында, чыр-чатак саясий-дипломатиялык сүйлөшүүлөрдүн негизинде гана чечилиши керек.
Өзбекстандын ТИМ башчысы А.Камилов өзбек тарап жаңжал аймагындагы абалды турукташтырууга ар тараптуу көмөк көрсөтүүгө даяр экендигин баса белгиледи.
Жетишилген келишимдерди андан ары жүзөгө ашыруу жана кыргыз-өзбек мамилелердин динамикасын бекемдөө максатында Руслан Казакбаев Өзбекстандын министри Абдулазиз Камиловду расмий иш сапары менен Кыргызстанга келип кетүүгө чакырды.
Мындан тышкары, эки өлкөнүн тышкы саясат ведомстволорунун башчылары 2021-жылы Кыргызстанда Борбордук Азия мамлекет башчыларынын Консультативдик жолугушуусун өткөрүү мүмкүнчүлүктөрүн талкуулашты.
