Өзбекстанда оор кылмыштарды жасаган чет өлкөлүк жаран Чүй облусунан кармалды. Бул тууралуу ИИМдин басма сөз кызматы билдирди.
Билдирүүгө караганда, издөөдө жүргөн Өзбекстандын тургуну, Австралиянын жараны 1974-жылы туулган Б.З. кармалды. Аталган жаран 2005-жылы Өзбекстандын Кылмыш-жаза кодексинин «Коомдук коопсуздукка жана коомдук тартипке коркунуч жараткан материалдарды даярдоо, сактоо, таратуу же көрсөтүү», «адам өлтүрүү», «диверсия» беренелеринде көрсөтүлгөн кылмыштарды жасагандыгы үчүн издөөгө алынган.
Мындан тышкары, террористтик ишмердүүлүктү колдогон адамдардын тизмесине жогорудагы издөөдө жүргөн жаран дагы киргизилген.
