Бишкек шаарынын мэри Айбек Жунушалиев пландан тышкаркы текшерүү учурунда жүргүнчүлөр үчүн курулган аялдама дээрлик толугу менен соода жайына айланып калган жайга туш болду.
Мунун айынан автобус күткөн жарандар күндүн ысыгынан, жаандан жана сууктан баш калкалай турган жайсыз калган.
Шаар башчысы аялдама биринчи кезекте жүргүнчүлөрдүн ыңгайлуулугу үчүн кызмат кылышы керектигин белгилеп, мыйзам бузуулар толук жоюлганга чейин ижарачынын ишин токтотууну жана шаардагы бардык аялдамаларды текшерүүнү тапшырды.
