Жаңы дайындалган министр Азамат Дыйканбаев ири суммада пара талап кылуу фактысы боюнча кармалды. Бул тууралуу УКМКнын басма сөз кызматы билдирди.
Маалыматка ылайык, Дыйканбаев ишти оң тарапка чечип берүү үчүн өзгөчө ири өлчөмдө пара талап кылган. Натыйжада “Коопсуз шаар” долбоорунун 2-этабын ишке ашырган чет элдик компаниянын өкүлүнүн талабы боюнча сотко чейинки өндүрүш башталган.
Жакынкы убакта министр кылмышка шектүү экендиги тандалып жана Бишкек шаарынын Биринчи Май райондук соту ага карата баш коргоо чарасын карайт. Учурда шектүү УКМКнын убактылуу кармоочу жайына киргизилди.
Белгилей кетсек, буга чейин Азамат Дыйканбаев УКМКга суракка чакырылганы белгилүү болгон.
