Жалал-Абад шаарында муниципалдык автобустардын жол акысын 5 сомдон 8 сомго көтөрүү сунушталып жатат. Бул тууралуу Жалал-Абад шаардык мэриясынын басма сөз кызматы билдирди.
Маалыматка ылайык, Жалал-Абад шаардык муниципалдык автобазанын жетекчиси Искендер Мейманкулов күйүүчү май, автотетиктердин баасы жогорулап, автобустар өз чыгымдарын да жаба албай калганын билдирди.
Эскерте кетсек, автобазанын ишин жандандыруу жана үзгүлтүккө учуратпоо үчүн, шаардык кеңештин депутаттарына жол акысын көтөрүүнү сунуштады.
