Жалал-Абад шаарында окуучу кыз апасына таарынып, кант диабетинин дарысын ичип алып, ооруканада өзүнө келбей көз жумду. Бул тууралуу жергиликтүү басылмалар жазып чыкты.
Маалыматка ылайык, окуучу кыздын апасы кант диабети менен ооругандыктан, үйүндө турган дарыны эч ким жокто ичип алган. Эс-учун жоготкон 14 жаштагы кызды 29-сентябрда ооруканага алып келип, 12 күн комада жаткан соң көз жумган. 8-класстын окуучусунун өлүмү милицияда уулануу болуп катталып, текшерүү жүрүүдө.
Дарыгердин айтымында адамдын кандагы канттын нормасы 4-5 ммоль/л болуу зарыл, кызда канттын нормасы 0гө түшүп кеткен.
