Ала-Бука районундагы дүкөндү өрттөөнү уюштурган кылмыштуу топтун активдүү мүчөсү кармалды. Бул тууралуу УКМКдан кабарлады.
Шектүү мурда «положенец» статусунда уюшкан кылмыштуу топтун мүчөсү болгон. Ал 11-январдан бери Россияда болуп, шериктери аркылуу Өрүктү айылындагы азык-түлүк жана курулуш дүкөндөрүн өрттөтүп жиберген. Дүкөндөрдүн ээси менен шектүү өчөшүп жүргөн. Келтирилген материалдык чыгым болжол менен 43 миллион сомду түздү.
Буга чейин бул фактыга байланыштуу өрт койгондор жана ортомчу болгон киши кармалган. Учурда тиешелүү иликтөө иш-чаралары жүргүзүлүүдө.
