Ала-Букада Москвада өткөн танк биатлонунда Кыргызстандын намысын коргоп, алтын медаль менен кайткан Ала-Бука районундагы 30670 аскер болугунун кызматкерлерин салтанаттуу тосуп алышты. Бул тууралуу Ала-Бука Райондук Администрациясы билдирди.
Ала-Бука районунун акими Нурбек Сатаров чет жерде кыргыздын желегин желбиретип, гимнди жаныртып, жениш менен кайткан жоокерлердин эмгеги эбегейсиз зор экенин, элибиздин сыймыктуу уулдары болгонун баса белгиледи.
«Кыргыз армиясы күчтүү, сырткы душмандардан ар дайыма коргой аларына ишенем. Силерге ден соолук, иштериңерге ийгилик каалайм», — дейт ал.
Ошондой эле, администрациянын жана Кыргыз Республикасынын Президентинин Жалал-Абад облусу боюнча өкүлү А.Сыргабаевдин атынан Ардак грамота жана белектерди тапшырылды.
