Жалал-Абадда 3 ай аралыгында оң рулдуу унааларга байланышкан 34 жол кырсык орун алган. Бул тууралуу Жалал-Абад ОИИБден билдиришти.
Жалал-Абад облусунун аймагында жыл башынан бери 128 автокырсык катталып, 19 адам каза таап, 213 адам жаракат алган. Анын ичинен 34 кырсык оң рулдуу унаалардын катышуусунда орун алып, 32 жол кырсыгына оң рулдуу унаалардын айдоочулары күнөөлүү деп табылган. Оң рулдуу унаалар катышкан кырсыктардан улам 8 адам каза таап, 65 адам денелеринен ар кандай жаракаттарды алган.
Былтыркы жылы 3 айда 114 автокырсык катталып, андан 21 адам каза болуп, 189 адам жаракат алган. Анын ичинен 31 автокырсыкта оң рулдуу унаалар катышып, андан 7 адам каза таап, 70 адам жаракат алган.