Кыргызстанда жарандардын антителосу бар-жогун аныктоо акысыз негизде жүргүзүлө баштады.
Маалыматка ылайык, муну менен адистер элдин коронавируска болгон иммунитетин баалоону көздөп жатат.
«Профлактикалык медицина» илимий-өндүрүштүк бирикмеси ага каттоо электрондук түрдө гана болорун билдирди. Анкетанын https://pasteurclinic-anketa.ru/all_antitela.php?reg_id=102 шилтемесине өтүп толтурса болот.
Эскерте кетсек, буга чейин калктын COVID-19га иммунитетин текшерүүнүн үчүнчү этабын жүргүзүү пландалып жатканы айтылган. Биринчи этапта 30 пайызында антитело бар экени кабарланса, экинчи этапта кыргызстандыктардын 71 пайызында антитело бар экени көрсөтүлгөн.
