“Кадастр” мамлекеттик ишканасынын Аламүдүн филиалынын директорунун орун басары кармалды. Бул тууралуу УКМК билдирет.
Көк-Жар айылынын 172, 544, 549-556, 552-контурларындагы жер тилкелеринин алынышынын мыйзамдуулугун текшерүүдө 2007-жылы №544 контурдан жарандарга 4,3 гектар айыл чарба жерлери бөлүнүп берилгени такталган.
Узак убакыт бою бул аймак өз максатына ылайык пайдаланылбай, менчик ээлери аны майда участокторго бөлүп, жеке турак жай куруу үчүн сатууну көздөшкөн. Трансформацияга мүмкүнчүлүк болбогондуктан, Э.А.А. жер тилкени трансформациялоого көмөк көрсөтүүнү сунуштап, пара катары ошол эле аймактан 15 сотых жер тилкесин ээлеп алган. Аталган жер тилкеси жээни болуп эсептелинген адамга катталган.
Кылмыш иши козголуп, аталган жаран УКМКнын убактылуу кармоочу жайына камалды.
