Кыргыз милициясынын түзүлгөн күнүнүн 100 жылдык маарекесине карата өздөрүнүн кызматтык милдеттерин татыктуу аткарган ИИМдин Жол кыймылынын коопсуздугун камсыздоо башкы башкармалыгынын бир нече кызматкерлери Жогорку Кеңештин төрагасынын атынан, ИИМдин жана ЖКККББнын атынан ардак грамоталары, төш белгилери жана ыраазычылык каттары менен сыйланды.
Сыйлыктарды ИИМдин Жол кыймылынын коопсуздугун камсыздоо башкы башкармалыгынын башчысы милициянын полковниги Жеңишбек Джоробеков ыйгарып, жалпы өздүк курамды кесиптик майрамы менен куттуктоо менен бирге, баарына бекем ден соолук, кызматтык ийгилик жана үй бүлөлүк бакыт каалады.
Айрыкча кызмат учурунда курман болгон кызматкерлердин аткарган ак кызматын бийик баалап, алардын жакындарына жана туугандарына терең ыраазычылыгын билдирди.
