Бишкектин Мурас-Ордо конушунда 5 жаштагы баланы 17 куткаруучу жана ИИМдин кызматкерлери издөөдө. Бул тууралуу ӨКМден билдиришти.
“Бишкектин Биринчи Май районуна караштуу Мурас-Ордо конушунда 2018-жылы туулган А.А. аттуу бала дайынсыз жоголгондугу тууралуу маалымат 14-январь күнү, саат 19:28де 112 кызматына түшкөн. Аны издөөгө ӨКМдин Бишкек шаардык Куткаруу кызматынын 5 куткаруучусу тартылып, түнү менен конуштагы үйлөрдүн короолорун, сарай жана ажатканаларды, конушка жакын көлмөнүн жээктерин карап чыгышкан. Мындан сырткары ИИМдин кызматкерлери жана жергиликтүү тургундар да тартылган”,-деп берилет маалыматта.
5 жаштагы Алихан аутизм оорусу менен жабыркап келет. Учурда издөө иши Өзгөчө кырдаалдар министрлигинин 17 куткаруучусу жана ИИМдин кызматкерлери тарабынан жеринде уланууда.
