Бишкек-Балыкчы жүргүнчү поездинин каттамы сентябрда токтойт. Бул тууралуу «Кыргыз темир жолу» ишканасынан билдиришти.
«Кыргыз темир жолу» УК» МИ Бишкек-2 – Балыкчы багытындагы № 608/609 республика ичиндеги жүргүнчүлөрдү ташуучу поезддин каттамы үстүбүздөгү жылдын 1-сентябрынан баштап токтоорун маалымдайт.
Белгилей кетсек, Бишкек-Балыкчы жүргүнчү поезди жыл сайын жайкы туристтик мезгилде жүрөт, тагыраагы айтканда июнь айынан 31-августка чейин каттам иштейт.
Аталган каттам 2023-жылдын жай мезгилинде кайрадан жанданат.
