Бишкекте дайынсыз жоголгон 36 жаштагы эркек киши Чүй облусунун аймагынан табылды. Бул тууралуу Ленин райондук милициясынын басма сөз кызматы билдирди.
Маалыматка ылайык, бүгүн саат 11:00дө дайынсыз жоголгон жаран аман-эсен Ленин райондук милиция кызматкерлери тарабынан табылды.
Эскерте кетсек, 2-апрелде милицияга С.М. аттуу аял кайрылган. Анда 1986-жылы туулган С.Б. аттуу баласы ошол эле күнү Чүй менен Павлов көчөсүнүн кесилишиндеги үйдөн чыгып кеткен бойдон кайтып келбегенин билдирген.