7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Май 2024
Пн Вт Ср Чт Пт Сб Вс
 12345
6789101112
13141516171819
20212223242526
2728293031  
  • social_icon
  • social_icon
  • social_icon
  • social_icon

Садыр Жапаров менен Малайзиянын премьер-министринин сүйлөшүүлөрү өттү

104

Бүгүн, 15-майда, Бишкек шаарында Кыргызстандын президенти Садыр Жапаров менен өлкөгө расмий сапар менен келген Малайзиянын премьер-министри Анвар Ибрагимдин расмий жолугушуу аземи болуп өттү.

Сапардын алкагында «Ала-Арча» мамлекеттик резиденциясында эки өлкөнүн лидерлеринин расмий жолугушуу аземи болду. Андан соң кеңейтилген форматтагы сүйлөшүүлөр болуп, анын жүрүшүндө Садыр Жапаров менен Анвар Ибрагим эки тараптуу кызматташуунун актуалдуу багыттарын жана келечегин, өз ара кызыкчылык жараткан бардык чөйрөлөрдө өнүктүрүү жана өз ара аракеттенүү боюнча чараларды талкуулашты.

Мамлекет башчысы Анвар Ибрагимдин бүгүнкү сапары Кыргызстан менен Малайзиянын ортосундагы кызматташуу жана достук тарыхында жаркын из калтырат деген ишенимин билдирди.

Садыр Жапаров Кыргызстан менен Малайзиянын ортосундагы ар тараптуу кызматташтык кеңири потенциалга ээ экенин белгиледи. Учурда эки өлкөнүн ортосундагы соода-экономикалык кызматташтык баштапкы баскычта турат. Бирок, президент келечекте күч-аракеттерди бириктиргенде жакшы натыйжаларга жетүүгө болот деп ишенет.

Өз кезегинде премьер-министр Анвар Ибрагим жылуу кабыл алуу жана меймандостугу үчүн ыраазычылык билдирип, өлкөлөр ортосундагы кызматташтыкты өнүктүрүү үчүн чоң потенциал бар экенин баса белгиледи.

Кыргызстан менен Малайзия соода-экономикалык, маданий-гуманитардык жана башка тармактарда биргелешкен долбоорлорду ишке ашыра алышат.

Андан соң өлкө лидерлери «Кыргыз Республикасы менен Малайзиянын ортосундагы кызматташтыкты ар тараптуу активдештирүү жөнүндө Биргелешкен билдирүүгө» кол коюп, жалпыга маалымдоо каражаттарынын өкүлдөрү үчүн билдирүү менен чыгышты.

Белгилей кетсек, эртең, 16-майда, премьер-министр Анвар Ибрагимдин Кыргызстанга болгон расмий сапары уланат.

105