Пенсиянын камсыздандыруу бөлүгү 18%га жогорулайт. Бул тууралуу президент Садыр Жапаров карылар күнү менен куттуктап жатып билдирди.
Президент пенсияны 2024-жылы эки этап менен жогорулатуу тапшырмасын койгонун айтып, октябрь айынан тарта өлкөдөгү эң аз пенсия 6900 сом болорун белгилеген.
«1-июлдан тартып пенсиянын базалык бөлүгү 3 170 сомго жеткирилген. 1-октябрдан баштап пенсиянын камсыздандыруу бөлүгү 18%га жогорулап, эң аз деген пенсия 6900 сомду түзүп калат», — деген өлкө башчы.
Учурда Кыргызстанда 785 миңдей пенсионер бар.
