Бүгүн, 27-апрелге караган түнү батирлердин биринен 2 жашар бала куткарып алынды. Бул тууралуу ӨКМнин басма сөз кызматы билдирди.
Маалыматка ылайык, 112 куткаруу кызматына түнкү саат 02: 58де Аламүдүн-1 районунда жашаган тургундун кошуналарынан чакыруу келип түшкөн. Аларды эшиги жабык болгон батирдин ичинде ыйлап жаткан бала тынчсыздандырган.
«Бишкек шаардык куткаруу кызматынын кызматкерлери, милиция кызматкерлеринин жана кошуналарынын катышуусунда, эшикти ачып беришти. Батирде 2 жашар бала болгон. Баланы медициналык жардамга муктаж эместигине ынандыргандан кийин, куткаруучулар аны полиция кызматкерлерине өткөрүп берген, окуянын чоо-жайын Ички иштер министрлигинин кызматкерлери иликтеп жатат», — деп берилет маалыматта.