Кытай жараны Кыргызстандан 355 миң долларды алып чыгууга аракеттенген. Бул тууралуу УКМК билдирди.
Ал «Достук автодорожный» көзөмөл-өткөрүү пункту аркылуу тиешелүү документтерди жана бажы декларациясын толтурбастан 355 миң АКШ доллары өлчөмүндө акча каражатын алып чыгууга аракет кылган. 53 жаштагы жаран кармалып, тергөө-ыкчам иш-чаралары жүргүзүлүүдө.
Белгилей кетсек, Кыргызстандан накталай чет өлкөлүк валютаны алып чыгууга убактылуу тыюу салынган. Эгерде Кыргызстандын жарандары жана резиденттери 10 миңден көп АКШ доллары суммасында накталай долларды алып чыккан учурда, белгиленген лимиттен ашкан сумманын 10% өлчөмүндө төлөм алуу каралган.
