2022-жылдын үч айында 18 миңден ашык субъект кассалык машиналарды колдонууга өттү. Бул тууралуу Мамлекеттик салык кызматынан билдиришти.
Маалыматка ылайык, бүгүнкү күндө республика боюнча 45 миң 35 контролдук-кассалык машина колдонулууда, анын 22 миң 173 – аппараттык ККМ жана 22 миң 862 – программалык ККМ.
Азыркы учурда эки типтеги – аппараттык жана программалык ККМ колдонулат.
Мындан тышкары,» Керемет банк», «РСК банк» жана «Айыл Банк» заманбап ККМди POS орнотулган терминалы менен акысыз беришет.
Эскерте кетсек, Мамлекеттик салык кызматы контролдук-кассалык машиналарды колдонууга милдеттүү субъекттерди катталуу жана контролдук-кассалык машиналар менен иштөө үчүн иш жүргүзгөн жери боюнча аймактык салык органына кайрылууга чакырат.