Баткен облусунун Кызыл-Кыя шаарында 7 миллионунчу болуп төрөлгөн ымыркайга президент Садыр Жапаров ат койду. Бул туурасында Жогорку Кеңештин төрагасы Нурлан Шакиев парламенттин жыйынында билдирди.
Нурлан Шакиевдин айтымында, наристеге президент Садыр Жапаров Жакшылык деген ат койгон.
«Кылымдарды карыткан кыргыз элинин жети миллиону ылайым эселеп көбөйүп, элибизге кут береке орносун. Биздин президентибиз Садыр Жапаров Жашылык деп жакшы ниет менен коюптур»,-деди ал.
Эскерте кетсек, Кыргызстандык алты миллионунчу ымыркай Айлин Кожошева 2015-жылы 25-ноябрда Ош шаарында жарык дүйнөгө келген.
