Бүгүн, 13-октябрда УКМКнын төрагасы, Министрлер кабинетинин төрагасынын орун басары Камчыбек Ташиев айыл чарба тармагындагы коррупциялык иштерди ачыктады.
«Айыл чарба министрлигинде Фитосанитардык көзөмөл департаменти бар. Алар дыйкандарга кандай шарттарды тузүп жүргөнүн айтсам, ишенбейсиңер! 700 сомдон бериле турган «справканы» 20 миңден сатып келишкен. 2,3 күн болуп калды, жетекчилерин камап койдук эле, кайра 700дөн берилип жатат. Бул ишке департамент аркылуу министрдин орун басарынын да колу бар экендигин айтып коёюн«-дейт Ташиев.
Бул маселе боюнча министр Аскарбек Жаныбековго кайрылып, «кызматтык иликтөө болобу?»- деген сурообузга азырынча жооп келе элек.