Индонезияда күйөө бала той учурунда качып кетип, анын ордуна атасы кызга үйлөнгөн. Бул тууралуу Tribun Sumsel жазып чыкты.
Маалыматка караганда, окуя 29-августта болгон. Бирок, бул көрүнүш дагы да кызуу талкууга алынууда. Эки жаш көптөн бери кыз-жигит болуп сүйлөшүп жүрүшкөн. Той күнү коноктор чогулуп калган маалда күйөө бала эч кимге эч нерсе айтпай качып кеткен. Үйлөнүү үлпөткө 25 миллион рупий (болжолдуу 170 миң сом) сарпталган. Бул каражатты текке кетирбөө жана кызды уят кылбоо үчүн баланын атасы келини боло турчу кызга үйлөнгөн.
