4-октябрда Бишкектеги Биринчи май райондук соту Камчы Көлбаевдин уюшкан кылмыштуу тобунун мүчөсү, кылмыш дүйнөсүндө «Алтуха» деген каймана ат менен белгилүү Алтынбек Ибраимовду үй камагына чыгарды.
Аталган соттун басма сөз кызматынын билдиргендей, анын бөгөт чарасын өзгөртүү тууралуу арызды сотко Улуттук коопсуздук комитетинин (УКМК) тергөөчүсү берген. Чечимге ылайык, ал 26-октябрга чейин үй камагында болот.
Ибраимовдун үй камагына чыгышы, тергөөчү эмнеге анын бөгөт чарасын өзгөртүү тууралуу арыз бергени тууралуу түшүндүрмө бере элек.
